Hvað þurfa margir að drepast?

Áður en þessir þöngulhausar þarna fyrir vestan setja einhverskonar lög yfir byssueign þarna? Nei, það má víst ekki hefta frelsi einstaklingsins. Þroskaheft lið þarna.

Hóf skothríð á skyndibitastað

Kerlingafjöll.

Lögðum af stað í gærdag kl. 15.00 og stefnan tekinn á Kerlingafjöll. Vorum 9 manns á 4 bílum og áttum við pantaða gistingu í einum af skálunum þarna upp frá. Veðrið lofaði mjög góðu er lagt var af stað og sól og blíða alveg þangað til að komið var að Geysi að ský fór að draga fyrir sólu. Ekki létum við það draga úr okkur og lagt var á kjöl.

Snjóalög á kili voru frekar fátækleg og greinilegt að vel hafði tekið upp af snjó í þýðukaflanum um daginn. 20 til 30 cm. jafnfallinn snjór var yfir öllu og stutt í urð og grjót sem að sást frekar illa undir nýföllnum snjónum. Þetta varð til þess að 3 felgur skemmdust á leiðinni en viðgerð tókst með groddaralegum aðferðum með sleggju einni, sem að hefur bjargað okkur áður í neyð :).

 Við höfðum verið vöruð við áður en lagt var af stað að vöð við Kerlingafjöll gætu verið varasöm út af krapastíflum og klaka sem ekki væri bílheldur. Þegar að þessum vöðum var komið reyndist þetta ekkert tiltökumál enda hafði frosið vel í þessu og enginn hætta á ferðum.

Við vorum kominn að Kerlingafjöllum kl. 00.00 og þar blasti við okkur fjöldi vélsleða og komumst við að því að þarna væri einhverskonar landsmót vélsleðamanna og 120 manns á staðnum. Hófst þá leit að staðarhaldara til þess að fá lykil að þeim skála sem við áttum pantaðan og gekk sú leit brösulega. Fararstjóri ferðarinnar var margbúinn að reyna að hringja upp eftir að reyna að ná símasambandi við þennan einstakling og gekk ekkert. Síðan komumst við að því að viðk. einstaklingur var sofandi í skála þarna rétt hjá og örkuðum við þangað upp eftir. Maðurinn var vakinn og hann tilkynnti okkur þá að skálinn sem að við áttum pantaðan var útleigður og ekkert sem að hann gæti gert fyrir okkur. Ótrúleg framkoma við fólk með eitt ungabarn og til háborinnar skammar fyrir þá sem eru með þessa aðstöðu á sinni könnu. Maðurinn reyndi ekkert til þess að bjarga málunum. Þarna vorum við kominn eftir 9 klst. ferðalag með fyrirfram lofaða gistingu og sviknir!

Þarna var illt í efni og fréttir af öðrum skálum í nágrenninu voru að þeir voru fullir líka þannig að ekkert annað var í stöðunni en að leita sér að gistingu á láglendinu á þessum tíma sólarhringsins eða að leggja á okkur annað eins ferðalag til baka. Ferðalag til baka varð ofan á og vegna ótrúlegrar frammistöðu staðarhaldara þarna upp frá þurftum við að leggja á okkur maraþonakstur til kl. 07.30 um morguninn með tilheyrandi pirring og þreytu.

 Verð samt að fá að hrósa fararstjóra ferðarinnar fyrir alveg einstaka skapfestu við þessar aðstæður. Fararstjórinn var með eiginkonu sína og 1 árs strák, sem að er stórefnilegur jeppamaður, og það hefðu einhverjir misst skap sitt að þann einstakling sem að réð ríkjum þarna upp frá og skiljanlega.

 Í von um að þessi skrif verði til þess að svona nokkuð gerist ekki aftur.

Hvað er málið á Akureyri?

Hvað er málið með öll þessi hálkutjón þarna fyrir norðan? Strætóar á staurum og daglegar fréttir af hálkutjónum!! Er ökukennslu þarna ábótavant? Kannski þurfa ökumenn þarna að koma suður og læra af okkur reynsluboltunum!!!

Ók á ljósastaur í hálku

Hayseed Dixie

Kíkti á tónleikana á sunnudagskvöldið á NASA. Tónleikarnir hófust með Dr. Gunna og félögum og var kallinn bara nokkuð ferskur og endaði sitt prógramm með því að kalla Óttarr Proppé upp á svið og tók þar júróvisjónlagið sitt. Fínt framlag en passaði kannski ekkert sérstaklega vel inní svona kántrý-blúgrass tónleika.

 Næstir á svið voru Baggalútur ásamt þeim Guðmundi Péturssyni og Dan Cassidy og náðu þeir að kynda ágætlega undir áhorfendum með smellum af kántrýplötunum sínum ásamt hæfilegum skammt af gríni á sviðinu. Hljómsveitin er ágætlega spilandi enda eru þarna Dan og Guðmundur ásamt að ég held 2 meðlimum úr Hjálmum.

 Þegar að þarna var komið hófst biðin eftir Hayseed og var hún ansi löng enda tók langan tíma að stilla hljóðfæri ásamt því að því virtist að ná þeim í samband. En eftir ca. 20 mínútna bið hófust tónleikar Hayseed. Það efni sem að ég hafði heyrt með þeim hingað til gaf til kynna að ég myndi heyra blúgrass útgáfur af AC/DC og Kiss ásamt fleiri rokksveitum en þeir luma líka á eigin efni sem að er ekkert síður skemmtilegt og að mínu mati var það efni það sem mér er eftirminnilegast. Þetta eru miklir húmoristar sem að taka greinilega lífinu ekkert of alvarlega og eru algjörir snillingar á sín hljóðfæri enda voru þeir ekkert feimnir við að sýna okkur leikni sýna á sín hljóðfæri. Bassaleikarinn var sannkallaður bassafantur, maður mikill burðum og með mikið skegg sem að Sveinbjörn Beinteinssson hefði verið afar stoltur af. Banjóleikarinn er mikill snillingur og sýndi það best í lokalaginu þegar að þeir tóku the dueling banjos úr deliverence, frábær endir þar. Söngvarinn og sögumaður kvöldsins var frábær gítarleikari og greip endrum og eins í fiðluna og gerði það með stæl. Síðastur en ekki sístur var mandólínleikari sveitarinnar sem að var alger galdramaður á sitt hljóðfæri.

 Sem dæmi um hugmyndaflug sveitarinnar var að eitt af frumsömdu lögum sveitarinnar fjallaði um svokallaða óskalista hljómsveita fyrir tónleika. Sumir þurfa þessar áfengistegundir og alls konar séróskir sem að of langt mál er að telja upp hér. En lagið fjallaði um séróskir hayseed sem að eru mjög einfaldar: 2 kassa af bjór og ís til að kæla hann og 4 monitor mixer svo að þeir geti pluggað sig við kerfið. Snilld.

Þetta voru frábærir tónleikar enda ekki á hverjum degi sem að við fáum jafnfæra hljóðfæraleikara hingað á þetta sker ásamt því að vera jafnlíflegir og þeir voru.

Hehe, látið ykkur dreyma Everton

Þið eruð ekkert annað en meðallið og þannig verður það bara. Munið að það eru bara 2 almennileg fótboltalið frá Liverpool, aðallið Liverpool og svo varalið Liverpool.

Phil Jagielka: Ætlum að verða í hópi fjögurra efstu

Hefði ekki verið hægt?

Að finna skip fyrir minni pening og skip sem var tilbúið í þetta verkefni? Þetta mál lyktar allt af slæmum undirbúningi og að skyndiákvörðun hafi verið tekinn. Auðvitað ber einhver ábyrgð þarna og þá verður maðurinn á toppnum að verða að axla ábyrgð en ekki einhverjar undirtyllur. Þessar ákvarðanir hljóta að hafa komið á borð viðkomandi ráðherra og fengið samþykki hans þar. Ef ekki að þá hlýtur það að vera vegna þess að stjórnlag viðkomandi ráðuneytis er ekki í lagi og hver ber ábyrgðina á því? Jú, sami ráðherrann.

Sæfari settur á flot á ný

Mikið skil ég Noel vel

Hlýtur að vera jafnþreytandi að vera með þennan mann gólandi fyrir utan hjá sér eins og að vera með ofvirkan hana í næsta húsi við sig.

Gallagher selur hús til að forðast Blunt

Hvar værum við ef að við hefðum ekki þennan SNILLING

Það er umhugsunarefni að velta fyrir sér hvar mínir menn væru í deildinni ef ekki nyti við krafta Fernando Torres. Kannski værum við búnir að skora 21 marki færra í öllum keppnum en það er náttúrulega spekulasjon. Kjötinu er vorkun að þurfa að vera að spila út úr stöðu og vonandi fer Benni að uppgötva nauðsyn þess að spila með menn í sínum náttúrulegu stöðum en ekki í einhverju rugli. Hver vill t.d. sjá fjallageit í eyðimörk?

Þrenna hjá Torres og Liverpool í fjórða sætið

Hátt glymur í tómri tunnu

Hæst glymur í tómri tunnu LOL
Já, ótrúlegt en satt kom þetta komment upp úr Friðrik Ómari rétt eftir sigur hans í evróvisjón. En hver er tunnan sem Friðrik er að tala um? Jú, hann sjálfur enda einstaklega persónuleikalaus rödd, tæknilega góð en eins og ég segi engin karakter þar á bak við. Hvað er hann að setja sig á háan stall og dæma aðra sem að þó hafa eitthvað á bak við sig, þegar það eina sem hann hefur gert eru stórslysin, ég skemmti mér með Guðrúnu Gunnars 1,2,3...(Og gagnrýnendur frömdu sjálfsmorð) LOL og sólóplötuflopp íslandssögunnar?

Framvegis verður maðurinn kallaður Frikki Tóma Tunna enda glymur hæst í tómri tunnu. Menn verða að komast á stall til þess að gala þaðan, ekki satt?

Eurobandið fer til Serbíu