Þetta er enginn tilviljun

Horfði á leik Houston og Lakers í gærkvöldi á NBA tv og var þetta hin mesta skemmtun. Rick Adelman þjálfari Houston er búinn að gera frábæra hluti með þetta lið og er hrein unun að horfa á óeigingirni leikmanna. Rafer Alston og Bobby Jackson sjóðheitir fyrir utan 3 stiga línuna og argentínumaðurinn Scola átti stórleik undir körfunni sem kannski kemur ekki beint fram í tölfræði hans. Mikill baráttuhundur þar á ferð. Battier átti frábæran leik á móti Kobe og hélt honum í 30 % skotnýtingu og söknuðu lakersmenn Paul Gazol greinilega.

 Athyglisverður sigur hjá Houston þar sem að þeirra aðalstjarna var alls ekki í stuði með aðeins 11 stig og öll í seinni hálfleik og Yao Ming meiddur. Burðarásarnir voru hinn aldni Mutombo, Alston sem að var valinn í annari umferð leikmannavalsins og Bobby Jackson ásamt óreyndum argentínumanni. Greinilega toppþjálfari með þetta lið.

22. sigur Houston í röð - Denver skoraði 168 stig

Athugasemdir

[Ólafur Tryggvason, 17.3.2008 kl. 14:15]

Frétt af visi.is:

Framherjinn Carmelo Anthony hjá Denver fann sig knúinn til að leiðrétta fjölmiðlamann í nótt þegar hann var að tala um meiðsli bakvarðarins Allen Iverson.

Iverson átti stórleik með Denver í nótt þegar liðið burstaði Toronto 137-105 á heimavelli sínum. Hann hitti úr 9 af 12 skotum sínum og öllum 10 vítum sínum og skoraði 28 stig.

Iverson er stigahæsti leikmaður Denver með 26,6 stig að meðaltali í leik en Anthony kemur þar skammt á eftir með 25,5 stig.

Blaðamaður í búningsklefa Denver-liðsins sagði frammistöðu hins smáa en knáa Iverson aðdáunarverða í ljósi þess að Iverson væri að spila "slæmur í fingrinum."

"Hann er fingurbrotinn - ekki slæmur í puttanum. Vertu viss um að hafa það rétt," sagði Carmelo Anthony, sem sjálfur skoraði 22 stig í leiknum.

"Að maður skuli spila svona puttabrotinn sýnir bara hugarfar hans svart á hvítu, stolt hans og ást hans á leiknum," bætti Anthony við.

______________________________________________________________

Ég spyr í tengslum við þetta - á hvaða lyfjum er maðurinn ?

Og hvernig er lyfjaprófum háttað í NBA?

[Pétur Kristinsson, 17.3.2008 kl. 15:12]

LOL, lyfjamál eru mjög frjálsleg í þessari deild. Hefur þú einhvern tímann heyrt talað um að leikmaður hafi verið settur í bann vegna steranotkunar? Carmelo hefur væntanlega verið að reyna að setja Iverson á einhvern hetjustall en þetta má auðveldlega túlka líka sem óráðshjal hjá manninum.

Iverson til varnaðar má benda á að hann hefur verið að spila í gegnum sinn feril nánast alltaf með einhver meiðsli og hann neitar ávallt að fara í lyftingasalinn. Það kannski skýrir það af hverju maðurinn er alltaf allur vafinn í sínum leikjum. Þú manst kannski eftir úrslitaeinhvígi Philly og Lakers fyrir 6 eða 7 árum þar sem að var sýnt á kyrrmynd hvar meiðsli Iverson voru. Þetta voru 13 smámeiðsli á fingrum, öxl og rifjum en hann spilaði samt. Kannski góð verkjalyf eða gamla harkan, ég skal ekki segja en eitt er ljóst að NBA er ekki með mikið steraeftirlit. Það er ekkert venjulegt hvað sumir massast upp eftir að þeir koma úr skóla og inn í NBA. Hringir Karl Malone einhverjum bjöllum?

[Ólafur Tryggvason, 17.3.2008 kl. 21:42]

Já eða gamli góði aðmírállinn !!!

Svipað og í NFL - þá virðast læknar liðana vera galdralæknar þar sem bein gróa á ótrúlegum tíma og menn ná að spila spelkaðir saman í miklum átökum.

Þetta er ekki íþrótt leikmanna heldur læknanna á bak við liðin - leggjum þetta drasl niður (þetta eru hvort sem er asnalegar íþróttir) og verjum pengingunum til ransókna á loftlagsvandanum!

[Pétur Kristinsson, 17.3.2008 kl. 23:44]