Hátt glymur í tómri tunnu

Hæst glymur í tómri tunnu LOL
Já, ótrúlegt en satt kom þetta komment upp úr Friðrik Ómari rétt eftir sigur hans í evróvisjón. En hver er tunnan sem Friðrik er að tala um? Jú, hann sjálfur enda einstaklega persónuleikalaus rödd, tæknilega góð en eins og ég segi engin karakter þar á bak við. Hvað er hann að setja sig á háan stall og dæma aðra sem að þó hafa eitthvað á bak við sig, þegar það eina sem hann hefur gert eru stórslysin, ég skemmti mér með Guðrúnu Gunnars 1,2,3...(Og gagnrýnendur frömdu sjálfsmorð) LOL og sólóplötuflopp íslandssögunnar?

Framvegis verður maðurinn kallaður Frikki Tóma Tunna enda glymur hæst í tómri tunnu. Menn verða að komast á stall til þess að gala þaðan, ekki satt?

Eurobandið fer til Serbíu

Athugasemdir

[Valsarinn, 23.2.2008 kl. 22:58]

sammála seinasta ræðumanni

[Jón Ingi Cæsarsson, 23.2.2008 kl. 22:58]

Satt er það...kjánaleg ummæli og settu ljótan blett á þetta móment. Nú man enginn eftir öðru en manni sem misnotaði aðstöðu sína til að blammera... lýsir kannski barnaskap.

[Pétur Kristinsson, 23.2.2008 kl. 23:03]

Yeppp, right on, þú sparkar ekki í liggjandi mann en Það sem ég var að segja er að hann er ekki á þeim stalli að hafa efni á að skjóta á aðra artista. Hann er ekki búinn að afreka neitt sem að gefur honum þennan rétt ennþá :)

[Guðmundur (IP-tala skráð) 23.2.2008 kl. 23:07]

Já soldið bitur kallinn... hefði ekki verið betra að nota þetta moment t.d. í að þakka stuðninginn. Hann hefði t.d. geta sagt "Ég verð bara að fá að segja eitt [löng þögn] við hefðum aldrei sigrað nema með ykkar stuðningi" Hann gerði lítið úr sjálfum sér með þessu komenti

[Einar Bragi Bragason., 23.2.2008 kl. 23:10]

já þetta var ekki viturlegt en hann er góður söngvari

[Pétur Kristinsson, 23.2.2008 kl. 23:17]

Gaman að sjá þig hérna Einar Bragi, gamli Pónik rótari. Hefur þú það ekki gott fyrir austan?

[Grétar Einarsson og Óskar Ásgeir Ástþórsson , 23.2.2008 kl. 23:28]

"Hvað er hann að setja sig á háan stall og dæma aðra sem að þó hafa eitthvað á bak við sig..." Bíddu nú aðeins við. Ef þú ert að tala um þá sem voru í öðru sæti þá spyr ég nú bara; Hvað hafa þeir á bakvið sig? Ekki söngrödd, hvorki góða né fulla af karakter, ekki tónlistarhæfileika né yfirleitt eitt né neitt sem hægt er að taka eftir. Því spyr ég aftur; hvað hafa aðrir á bakvið sig?

Grétar Einarsson

[Pétur Kristinsson, 23.2.2008 kl. 23:34]

Þeir hafa heldur ekkert verið að gera sig út fyrir að vera einhverjir tónlistarsnillingar en það hefur Friðrik hinsvegar verið að gera. Þeir voru að búa til act en ekki eitthvað atriði sem að keppir um grammyverðlaunin. Friðrik hefur ekkert gert til þess að réttlæta þessi ummæli þar sem að hann hefur ekkert á afrekaskrá sinni sem "tónlistarmaður" nema kjánalegt endurútgefið efni og arfaslaka sólóplötu.

[Sævar Einarsson, 24.2.2008 kl. 00:12]

Stórglæsileg þessi Rebekka, ómæ já sei sei, já var þetta ekki bara eitthvað innanbúðardjók hjá honum, er alveg viss um að Gilz hefur átt að fá þetta skot til sín.

[Jón Pétursson (IP-tala skráð) 24.2.2008 kl. 00:21]

"það eina sem hann hefur gert eru stórslysin, ég skemmti mér með Guðrúnu Gunnars 1,2,3...(Og gagnrýnendur frömdu sjálfsmorð)"

Góð jólaplata ****Guðrún Gunnars og Friðrik Ómar – Ég skemmti mér um jólin  Á PLÖTUNNI Ég skemmti mér um jólin syngja þau Guðrún Gunnarsdóttir og Friðrik Ómar nokkur jólalög í útsetningum Ólafs Gauks. Lögin eru í anda þess sem systkinin Ellý og Vilhjálmur Vilhjálms sendu frá sér þegar ferill þeirra stóð sem hæst.Á PLÖTUNNI Ég skemmti mér um jólin syngja þau Guðrún Gunnarsdóttir og Friðrik Ómar nokkur jólalög í útsetningum Ólafs Gauks. Lögin eru í anda þess sem systkinin Ellý og Vilhjálmur Vilhjálms sendu frá sér þegar ferill þeirra stóð sem hæst.

Ég hef hlustað á mikið af jólaplötum á borð við þessa. Endurvinnsla jólatónlistar er vinsælt viðfangsefni tónlistarmanna og oft virðast slíkar plötur vera gefnar út í öðrum tilgangi en að hafa gaman af. Ég skemmti mér um jólin er ekki ein þeirra. Leikgleði Guðrúnar og Friðriks skín hér í gegnum stórskemmtilegar útsetningar Ólafs Gauks í hverju laginu á fætur öðru. Lögin eru sjálf misskemmtileg – mér líkar betur við hress jólalög á meðan aðrir vilja hafa þau róleg og hátíðleg. Hér má finna hvort tveggja.

Það sem gerir þessa plötu betri en aðrar af sama toga er sú staðreynd að Guðrún, Friðrik og Ólafur Gaukur bera greinilega mikla virðingu fyrir lögunum sem flutt eru. Þau eru ekki að reyna að gera þau sín eigin, frekar að flytja þau eins vel og hægt er að gera. Þetta viðhorf þykir mér gríðarlega mikilvægt þegar lög annarra eru gefin út á ný. Það er nefnilega vandasamt verk að flytja lög sem eru mörg hver löngu búin að skipa sér sess í hjörtum hlustenda. Það væri mér mikil ánægja ef fleiri myndu taka sér þau til fyrirmyndar.

Helga Þórey Jónsdóttir

[Grétar Einarsson og Óskar Ásgeir Ástþórsson , 24.2.2008 kl. 00:40]

"Þeir voru að búa til act en ekki eitthvað atriði sem að keppir um grammyverðlaunin." Og um hvað ætla þessir hrossagaukar í ho ho ho hey hey hey" að keppa? Bestu gulu brunkuna? "Act"? Var ekki líka "Act" í sigurlaginu? Þar voru þó dansarar en í hinu laginu voru bara steraboltar sem hreyfðu sig eins og spítukarlar nema hvað ég held að spítukarlarnir gætu gert betur. Þetta var allt saman sama ruslið. Ég ætla ekki að hrósa sigurlaginu, söngvurum þess (sem þó kunna á raddböndin sín þó án þess að gera það eftirminnilega eða með neinni sérstöðu) né ætla ég að hrósa ummælum Friðriks Ómars. En þetta var alveg "act". Og utan höfundar lagsins ho ho ho o.s.frv. þá hafa hinir aðilarnir í þeirri sýningu ekki gert NEITT á tónlistarsviðinu.

Grétar Einarsson

[Dúddi (IP-tala skráð) 24.2.2008 kl. 01:11]

Mér fannst þetta cool comment og m club áttu þetta fyllilega skilið enda egóhausar miklir sem kunna ekki á eitt einasta hljóðfæri.

Þetta var bara langflottasta lagið í keppninni ásamt Dr.Spokkaranum og á vonandi eftir að gera góða hluti í Serbíu.

[Einar Bragi Bragason., 24.2.2008 kl. 01:30]

he he he já þar byrjaði ég he he sem rótari hjá Pónik

[Dark Side, 24.2.2008 kl. 02:07]

Ætlar hann að skjóta sig í fótinn með þessu? Er fólk búið að gleyma trommurnar hans frá því í fyrra?  Hátt glymdi í tómri tunnu þá en ekki nógu hátt og gítararnir!

[Júlíus Garðar Júlíusson, 24.2.2008 kl. 16:15]

Gjörsamlega ósammála þessari rætnu færslu. Friðrik Ómar er frábær og menn ættu kannski að kynna sér hvort að hann hafi ekki verið að svara fyrir sig fyrir siðustu daga.

[Pétur Kristinsson, 24.2.2008 kl. 19:38]

Júlíus, þú mátt kalla þetta rætna færslu fyrir mér en eftir stendur að þetta eru mínar skoðanir og mín skoðun er sú að mér fannst þetta skot fyrir neðan belti hjá meðalsöngvara með vafasama afreksskrá (Mín skoðun). Þú hins vegar ákveður að fullyrða "Friðrik Ómar er frábær" eflaust þín skoðun en hann ER ekkert frábær. Það er heldur ekkert spurning um að hann þurfi að svara fyrir sig næstu daga heldur þeir sem að hann var að blammera með þessu kommenti sínu.

[Emil (IP-tala skráð) 25.2.2008 kl. 00:12]

Sammála pistli.  Mér finnst hann Friðrik montinn og hann hefur ekkert á bak við það.  Þetta comment var aulalegt og sýnir hrokann sem einkennir þennan mann.  Af hverju segir þú Júlíus ad færsla sé rætin?  Orð Friðriks voru rætin og honum til skammar. 

Kaus sjálfur DR Spock.  Fannst í heildina flest lögin slök, lag Regínu og hrokafulla Friðriks var ekkert spes, ekki frekar en annað sem þau hafa gert. 

Niðurstaðan er sú að 2 Eurovision vælukjóar fara út og gera engar gloríur. 

[agh (IP-tala skráð) 25.2.2008 kl. 18:46]

Munið þið hvað hann var svekktur í fyrra þegar að hann hafnaði í öðru sæti han hafði næstum hrint einum áhorfenda eða starfsmanni þegar að hann var að ganga inn á svið þegar að það var tilkynnt um að hann hefði hafnað í öðru sæti Friðrik Ómar er of hrokafullur til að koma fra fyrir Íslands hönd í Serbíu svo mörg voru þau orð

[Rebekku-aðdáandi (IP-tala skráð) 28.2.2008 kl. 12:03]

Þeir sem tala um að aðrir misnoti aðstöðu sína ættu að líta í eiginn barm og það vel. Fólk á ekki að tjá sig um hluti þegar það veit ekki hvað gengið hefur á og veit í raun ekki um hvað þetta snýst.En svona er þetta, endilega vera með í neikvæðu umræðunni og rakka niður fólk sem á það ekki skilið. Frambærilegasta lagið vann með yfirburðarkosningu og hvað segir það ? Þetta er það sem þjóðin vill og flytjendur verða landi og þjóð til sóma í Serbíu. Hefur þú lesandi góður aldrei gert mistök eða sagt eitthvað  sem hefði betur mátt kyrrt liggja ??  Hugsaðu þig aðeins um.  Vissulega hefði viðkomandi átt að láta þetta ósagt . Í hita leiks verða tilfinningarnar stundum ofar skynseminni og því fór sem fór, því miður. Hann lærir af þessu. Friðrik er ekki hrokafullur. Það á ekki að dæma þá sem maður þekkir ekki. Mér finnst þessi umræða vera komin í svo mikla vitleysu að það hálfa væri nóg.  Elskum hvort annað og ÁFRAM ÍSLAND !!  Merzedes Club, besta hljómsveitin á Íslandi gerir vonandi aðra tilraun að ári og tekur þetta með trompi í kjölfar nýju plötunnar sem er væntanleg þegar stóri plötusamningurinn er í höfn, en það er allt á fullu í því sambandi. Þá verða þeir ekki svekktir með annað sætið eins og Friðrik í fyrra en það er nú orðum ofaukið að hann hafi hrint áhorfanda eða starfsmanni. Því að setja upp falskt bros þegar maður er ekki sáttur með árangur sinn, ég bara spyr. Þetta gekk upp hjá honum eins og hann ætlaði sér: 3. sætið, 2. sætið og 1. sætið.Svo tekur hann sér örugglega góða pásu frá Eurovision. Þetta er drengur sem setur sér markmið og gerir sitt besta með allt sem hann tekur sér fyrir hendur. Við þekkjum það við sem erum í tónlistargeiranum. Og efast ég ekki um að margir taki undir það. En ÁFRAM ÍSLAND Í SERBÍU þó að við fáum ekkert stig eins og sumir sögðu. En bara vera með það er málið. 

[EURO-FAN (IP-tala skráð) 29.2.2008 kl. 15:03]

Talandi um að misnota aðstöðu sína þá ætti viðkomandi að líta sér nær og það vel. Þetta hafði ekkert með það að gera að misnota aðstöðu sína.  Fólk á ekki að dæma aðra þegar þeir vita ekki einu sinni um hvað málið fjallar, eða vita ekki hvað gengið hefur á undanfarið. Bubbi gæti alveg haldið aðra tónleika til að vekja athygli Íslendinga á því hvernig þeir láta gagnvart hvor öðrum, það er mikið um fordóma hjá hamingjusömustu þjóð í heimi. Og Dark Side: þetta hefur ekkert með tóma tunnu að gera eins og þú heldur í þínum athugasemdum.  Stundum eru tilfinningarnar látnar ráða ofar skynseminni, því miður, það gerðist í þessu tilfelli. Ef fólki líður betur með það það að taka þátt í umræðu sem er komin út fyrir öll velsæmismörk og á kostnað þeirra sem eiga það síst skilið, þá tel ég að það vanti eitthvað upp á í lífi viðkomandi. En það er ekki gott þegar fólk þrífst á mistökum annarra. Fullkomin persóna er ekki til að mínu mati, eða hvað haldið þið ? Hafið þið aldrei látið orð falla sem þið hafið síðan séð eftir ??  Friðriki verður fyrirgefið þetta og hann lærir af þessu. Flytjendur lagsins verða landi sínu og þjóð til sóma. Yfirburðarsigur, tæplega helmingur atkvæða frá þjóðinni !!  Það segir allt sem segja þarf. Styðjum okkar keppendur og hættum þessu væli og komum sem mest í veg fyrir fordóma og stöndum saman. Elska skaltu náungann eins og sjálfan þig. ÁFRAM ÍSLAND !

[Pétur Kristinsson, 1.3.2008 kl. 04:13]

LOL, oft hafa orð fallið sem betur hefðu ekki fallið í hita og þunga dagsins. En þá var ég ekki frammi fyrir alþjóð og gerði mig að fífli eins og Friðrik. Það er akkúrat málið að hann misnotaði aðstöðu sína á sinni sigurstundu og að mínu mati er það ekki eitthvað sem sigurvegari gerir. Þú þakkar andstæðingum drengilega keppni jafnvel þrátt fyrir að þér finnist andstæðingurinn eigi það ekki skilið. Það er nefnilega það sem gerir þig að sigurvegara, ekki eitthvað væl þegar að þú ert búinn að vinna. Sigurvegari er auðmjúkur, ber virðingu fyrir andstæðingnum og lætur ekki fordóma fara fyrir brjóstið á sér. Hafðu vit fyrir áhangendum, ekki reyna að hafa vit fyrir þeim, mundu að þú ert sigurvegarinn. Tilraunir til annars og þú stendur uppi sem einhver álfur.